Beint á efnisyfirlit síðunnar

Á döfinni

25

09.12.2013

Golfklúbbur Reykjavíkur Fyrirmyndarfélag ÍSÍ

Golfklúbbur Reykjavíkur fékk endurnýjun viðurkenningar félagsins sem fyrirmyndarfélag ÍSÍ á aðalfundi félagsins fimmtudaginn 5. desember síðastliðinn. Það var Sigríður Jónsdóttir ritari ÍSÍ og formaður Þróunar- og fræðslusviðs sem afhenti formanni félagsins Jóni Pétri Jónssyni viðurkenninguna á aðalfundinum. Á myndinni eru þau Jón Pétur Jónsson og Sigríður Jónsdóttir.
Nánar ...
08.12.2013

Heiðursveitingar í afmæli Snæfellings

Hestamannafélagið Snæfellingur var stofnað á Vegamótum 2. desember 1963 og fagnaði félagið 50 ára afmælinu á stofnstað félagsins á sjálfan afmælisdaginn. Í tilefni þessara tímamóta voru tveir heiðursmenn úr félaginu sæmdir Gullmerki ÍSÍ fyrir góð störf í þágu hestaíþrótta. Það voru þeir Leifur Jóhannesson sem átti frumkvæði að stofnun félagsins og Högni Bæringsson fyrrverandi gjaldkeri félagsins.
Nánar ...
05.12.2013

Alþjóðadagur sjálfboðaliðans

Í dag, fimmtudaginn 5. desember er alþjóðadagur sjálfboðaliðans. Af því tilefni kynnir ÍSÍ sjálfboðaliðavefinn Allir sem einn sem tekinn var í notkun á síðasta íþróttaþingi. Nú þegar eru um 70 manns að nota vefinn og hafa þeir skráð inn um 2.200 klukkustundir. Þessi vefur getur nýst íþróttahreyfingunni á margan hátt og því mikilvægt að fá sem flesta til að skrá inn sitt sjálfboðaliðastarf.
Nánar ...
05.12.2013

Tímamót

Eins og flestir vita þá tók ég, við andlát Ólafs Rafnssonar nú í sumar, við keflinu sem forseti ÍSÍ. Var það í samræmi við lög ÍSÍ og stöðu mína sem varaforseti samtakanna. Það var augljóslega ekki eitthvað sem ég hafði gert ráð fyrir. Það er öllum ljóst sem til þekkja að forsetaembættinu fylgja miklar skyldur og mikil vinna sem þarf að ætla sér tíma í.
Nánar ...
04.12.2013

Heiðursveitingar á 75 ára afmælishófi TBR

Tennis- og badmintonfélag Reykjavíkur fagnar 75 ára afmæli í þessum mánuði og hélt í því tilefni afmælishóf laugardaginn 30. nóvember sl. í félagsaðstöðu Þróttar í Laugardal. Lárus L. Blöndal forseti ÍSÍ sæmdi þar þrjá einstaklinga Gullmerki ÍSÍ fyrir góð störf í þágu badmintoníþróttarinnar, þau Unni Einarsdóttur, Jóhannes Helgason og Daníel Stefánsson. Naut Lárus aðstoðar Sigríðar Jónsdóttur ritara ÍSÍ við afhendingu heiðursviðurkenninganna.
Nánar ...
03.12.2013

Helga H. Magnúsdóttir sæmd Heiðurskrossi ÍSÍ

Á Formannafundi ÍSÍ 29. nóvember sl. var Helga H. Magnúsdóttir sæmd Heiðurskrossi ÍSÍ. Lárus L. Blöndal forseti ÍSÍ veitti Helgu viðurkenninguna með aðstoð Helgu Steinunnar Guðmundsdóttur varaforseta ÍSÍ. Helga hefur komið víða við í íþróttahreyfingunni. Hún átti sæti í framkvæmdastjórn ÍSÍ frá 1996-2013 og þar áður í varastjórn sambandsins um árabil. Helga hefur starfað lengi í þágu handknattleikshreyfingarinnar og árið 2012 var Helga kjörin fyrst allra kvenna í framkvæmdastjórn Evrópska handknattleikssambandsins –EHF. Þá var hún búin að starfa í mótanefnd EHF í 12 ár. Helga hefur einnig átt sæti í fjölmörgum nefndum og ráðum innan ÍSÍ, svo eitthvað sé nefnt og er sem stendur formaður sjóðsstjórnar Afrekskvennasjóðs Íslandsbanka og ÍSÍ.
Nánar ...
03.12.2013

Formannafundur ÍSÍ

Árlegur Formannafundur ÍSÍ var haldinn föstudaginn 29. nóvember sl. í Íþróttamiðstöðinni í Laugardal. Fundurinn er upplýsingafundur framkvæmdastjórnar ÍSÍ og formanna sérsambanda, héraðssambanda og íþróttabandalaga, þar sem framkvæmdastjórn ÍSÍ gefur skýrslu um helstu þætti í starfsemi ÍSÍ og verkefni á milli þinga. Í upphafi fundar minntust fundargestir látinna félaga úr íþróttahreyfingunni og Lárus L. Blöndal forseti ÍSÍ flutti minningarorð um Ólaf E. Rafnsson forseta ÍSÍ sem varð bráðkvaddur 19. júní sl. Að loknum fundi bauð ÍSÍ fundargestum til kvöldverðar í Café Easy.
Nánar ...
03.12.2013

ÍSÍ-fréttir

ÍSÍ-fréttir komu út föstudaginn 29. nóvember sl. og er hægt að nálgast vefútgáfu af blaðinu. Þar má meðal annars lesa pistil Lárusar L. Blöndal forseta ÍSÍ og fréttir af margvíslegum verkefnum ÍSÍ síðustu mánuði.
Nánar ...
02.12.2013

Fjármálaráðstefna ÍSÍ vel sótt

Fjármálaráðstefna ÍSÍ var haldin föstudaginn 29. nóvember sl. í Laugardalshöll og var vel sótt. Gunnar Bragason gjaldkeri ÍSÍ fór yfir lykiltölur úr rekstri íþróttahreyfingarinnar en tölurnar eru unnar upp úr Felix, skráningarkerfi ÍSÍ og UMFÍ. Fulltrúar fimm íþróttafélaga á landsvísu héldu erindi um ýmsa þætti í rekstri síns félags og ytra umhverfi þeirra.
Nánar ...
29.11.2013

Fjármálaráðstefna ÍSÍ og Formannafundur ÍSÍ

Það er í nógu að snúast í Íþróttamiðstöðinni í Laugardal í dag. Fjármálaráðstefna ÍSÍ verður haldin í Laugardalshöll kl. 13:00 - 16:00 og í kjölfarið, eða kl. 16:30 hefst árlegur Formannafundur ÍSÍ í E-fundarsal ÍSÍ í Laugardal.
Nánar ...