29.01.2013Lyftingasamband Íslands fagnaði 40 ára afmæli sambandsins 26. janúar síðastliðinn með hátíðardagskrá og hátíðarkvöldverði í samstarfi við Alþjóðlegu Reykjavíkurleikana.  Fyrr þann sama dag var alþjóðlega RIG mótið í ólympískum lyftingum í aðstöðu Lyftingafélags Reykjavíkur, Skeifunni 8.
Fulltrúar ÍSÍ í afmælisdagskrá sambandsins voru Gunnar Bragason gjaldkeri ÍSÍ, Helga Steinunn Guðmundsdóttir ritari ÍSÍ og Ingibjörg Bergrós Jóhannesdóttir stjórnarmeðlimur ÍSÍ.  Á meðfylgjandi mynd má sjá Ingibjörgu Bergrós og Helgu Steinunni afhenda Lárusi Páli Pálssyni formanni LSÍ afmælisplatta og blómvönd í tilefni dagsins.