26.05.2013Á mánudaginn 27. maí munu Smáþjóðaleikarnir verða settir í fimmtánda sinn í Lúxemborg. Það var rúmlega 100 manna hópur sem hélt utan árla morguns sunnudaginn 26. maí fyrir utan íþróttamiðstöðina í Laugardal. Hópurinn saman stendur af  keppendum, þjálfurum, flokkstjórum, liðstjórum, sjúkraþjálfurum, lækni, sálfræðingi og gestum. Hópurinn er nú kominn á áfangastað og mun mánudagurinn vera nýttur til hins ýtrasta í undirbúning fyrir keppnina sem hefst á þriðjudag. Hægt verður að fylgjast með hópnum á facebooksíðu ÍSÍ. Þar má meðal annars finna myndir frá ferðadeginum. Einnig minnum við á heimasíðu leikanna. sem er http://www.luxembourg2013.lu. Á heimasíðu leikanna er hægt að nálgast app fyrir snjallsíma sem veitir allar helstu upplýsingar.