Eins og áður hefur komið fram hér á síðunni fer Setningarhátíð Ólympíuhátíðar Evrópuæskunnar fram kl. 20:00 í kvöld á Galgenwaard Stadium í Utrecht í Hollandi.

Sigríður Hrönn Bergþórsdóttir, keppandi í fimleikum, hefur verið valin sem fánaberi Íslands á leikunum. Sigríður Hrönn er fædd 1998 og hefur meðal annars náð þeim árangri að hljóta bronsverðlaun á Norðurlandamóti unglinga.