Heiðursveitingar á 75 ára afmælishófi TBR
04.12.2013Tennis- og badmintonfélag Reykjavíkur fagnar 75 ára afmæli í þessum mánuði og hélt í því tilefni afmælishóf laugardaginn 30. nóvember sl. í félagsaðstöðu Þróttar í Laugardal. Lárus L. Blöndal forseti ÍSÍ sæmdi þar þrjá einstaklinga Gullmerki ÍSÍ fyrir góð störf í þágu badmintoníþróttarinnar, þau Unni Einarsdóttur, Jóhannes Helgason og Daníel Stefánsson. Naut Lárus aðstoðar Sigríðar Jónsdóttur ritara ÍSÍ við afhendingu heiðursviðurkenninganna. Á myndinni eru frá vinstri Daníel Stefánsson, Lárus L. Blöndal forseti ÍSÍ, Jóhannes Helgason, Unnur Einarsdóttir og Sigríður Jónsdóttir ritari ÍSÍ.