Ársþing Tennissambands Íslands fór fram í Íþróttamiðstöðinni í Laugardal 29. apríl sl. Helgi Þór Jónasson var kjörinn formaður sambandsins fjórða árið í röð. Þrándur Arnþórsson og Bragi Leifur Hauksson voru kosnir í aðalstjórn til tveggja ára. Fyrir sitja í aðalstjórn Ásta Kristjánsdóttir og Gunnar Þór Finnbjörnsson.  Jónas Páll Björnsson, Jón Axel Jónsson, Júlíana Jónsdóttir og Raj K. Bonifacius voru kjörin í varastjórn.

Fulltrúi ÍSÍ á þinginu var Ingibjörg Bergrós Jóhannesdóttir, sem einnig gegndi embætti þingforseta, og Líney Rut Halldórsdóttir framkvæmdastjóri ÍSÍ.