27.07.2015

Ólafur Sigurðsson sundmaður hóf daginn með keppni í undanrásum í 200 metra skriðsundi. Ólafur var nokkuð frá sínu besta þegar hann synti á 2.01.83 og komst ekki í úrslit.

Daníel Bjartur Siddall keppti í einliðaleik í tennis við Pólverjann Daniel Rafal Michalski í morgun. Daníel veitti Pólverjanum harða keppni en viðureignin endaði 2-0 fyrir Daniel Rafal (6-2; 6-2). Hekla María keppti við Yuliya Hatouka frá Hvíta-Rússlandi, viðureignin endaði 2-0 fyrir þeirri Hvít-Rússnesku. Björgvin Atli keppti við Jacob Robert Yarkley Fearnley frá Stóra Bretlandi, leikur þeirra endaði 2-0. Sara Lind keppti svo við Emily Seibold frá Þýskalandi og sigraði hún viðureignina 2-0.

Í frjálsum íþróttum keppti Styrmir Dan fyrstur þegar hann tók þátt í undankeppni í hástökki. Þar stökk hann 1.84m. sem dugði ekki til að tryggja sig inn í úrslitin.

 

Á morgun þriðjudag keppir okkar fólk í skriðsundi, Ólafur í 400m og Stefanía í 800m. Í frjálsum íþróttum keppir Hildigunnur Þórarinsdóttir í forkeppni í langstökki og riðlakeppni í grindahlaupi. Daði Arnarson hleypur svo í undanriðlum 800 metra hlaups. Í tennis keppa bæði drengirnir og stúlkurnar í tvíliðaleik.