Borgarstjóri í heimsókn
![](/library/Myndir/Frettamyndir/heimsokn_borgarstjora%20119.jpg?proc=400x400)
Dagur B. Eggertsson borgarstjóri og föruneyti komu í stutta heimsókn til ÍSÍ síðastliðinn fimmtudag. Heimsóknin var liður í vettvangsferð borgarstjóra um skóla og stofnanir í Laugardalnum en skrifstofa borgarstjóra hafði aðsetur í Laugardalslauginni alla síðustu viku. Halla Kjartansdóttir skrifstofustjóri ÍSÍ, Andri Stefánsson sviðsstjóri Afreks- og Ólympíusviðs ÍSÍ og Óskar Örn Guðbrandsson verkefnastjóri tóku á móti hópnum.
ÍSÍ og Reykjavíkurborg áttu gæfuríkt samstarf um undirbúning og framkvæmd Smáþjóðaleikanna sem haldnir voru hér á landi í júní síðastliðnum og tók borgarstjóri virkan þátt í ýmsum verkefnum sem tengdust leikunum.