Í dag 14. ágúst er Golfsamband Íslands 75 ára. Þá eru 75 ár liðin frá því að tíu menn hittust í golfskála Golfklúbbs Íslands í Öskjuhlíðinni og stofnuðu formlega samband þeirra þriggja golfklúbba sem þá voru í landinu. Golfklúbbur Íslands í Reykjavík, Golfklúbbur Akureyrar og Golfklúbbur Vestmannaeyja stóðu sameiginlega að stofnun Golfsambands Íslands árið 1942.

Golfsamband Íslands er elsta sérsambandið innan Íþrótta- og Ólympíusambands Íslands. 

Íþrótta- og Ólympíusamband Íslands óskar Golfsambandi Íslands til hamingju með afmælið.