Beint á efnisyfirlit síðunnar

Á döfinni

12.10.2018 - 14.10.2018

Ársþing LH 2018

Ársþing Landssambands hestamanna verður...
21

Keppni hefst hjá Hilmari Snæ á morgun

13.03.2018

Á morgun 14. mars (laust eftir miðnætti í dag að íslenskum tíma kl. 00:25) hefst keppni hjá Hilmari Snæ Örvarssyni á Vetrar-Paralympics í PyeongChang í Kóreu. Vegna aðstæðna hefur mótsstjórn ákveðið að snúa við dagskránni í alpagreinum en upphaflega stóð til að Hilmar myndi keppa í svigi 14. mars en nú keppir hann í stórsvigi fyrst (14. mars) og síðan í svigi þann 17. mars.

Hilmar verður studdur áfram af góðum gestum en Þórður Árni Hjaltested formaður Íþróttasambands fatlaðra og Ólafur Magnússon framkvæmdastjóri afreks- og fjármálasviðs eru mættir ytra til að fylgjast með gangi mála. Þá er von á Helgu Steinunni Guðmundsdóttur fyrrum varaforseta ÍSÍ ytra og Ásmundi Einari Daðasyni velferðarráðherra sem fylgjast mun með keppninni frá 16. mars.

RÚV sýnir beint frá keppni Hilmars í nótt, útsending frá fyrri ferðinni hefst kl. 00:25 og síðari ferðin hefst kl. 04:55 að íslenskum tíma.