Næstu Ólympíuleikar fara fram í Tókýó 24. júlí til 9. ágúst 2020. Í dag eru 500 dagar þar til setningarhátíð Ólympíuleikanna fer fram. Á leikunum munu 11.000 íþróttamenn keppa í 33 íþróttagreinum. Sjá má íþróttagreinarnar sem keppt verður í hér og dagskrá leikanna má sjá hér. 

Lukkudýr Ólympíuleikanna 2020 eru Miraitowa og Someity sem sjást á mynd með fréttinni, en þau munu á næstu tveimur vikum koma fram á ýmsum viðburðum á vegum skipuleggjenda Ólympíuleikanna. Þau munu heimsækja svæði í Japan sem eyðilögðust í jarðskjálfta og flóðbylgju fyrir átta árum og verið er að endurbyggja, með það að markmiði að ná til krakkanna á svæðunum og vekja athygli þeirra á Ólympíuleikunum. 

#Tokyo2020 #500daystogo

Vefsíða leikanna