Á ársþingi Ungmennasambands Skagafjarðar (UMSS), sem fór fram 19. mars sl. sæmdi ÍSÍ Viggó Jónsson Gullmerki ÍSÍ, en Viggó hefur unnið afar mikið og fórnfúst starf í tengslum við íþróttir í héraði til fjölda ára. Ingi Þór Ágústsson, úr framkvæmdastjórn ÍSÍ, afhenti Viggó viðurkenninguna. Fulltrúar ÍSÍ á þinginu voru þeir Ingi Þór og Viðar Sigurjónsson skrifstofustjóri ÍSÍ á Akureyri.

ÍSÍ óskar Viggó til hamingju með viðurkenninguna.

Á myndinni má sjá Inga Þór næla Gullmerki ÍSÍ í Viggó.