Lyfjaeftirlit Íslands, Anti-Doping Iceland, leitar að verkefnastjóra.  Um er að ræða 100% starf á skrifstofu stofnunarinnar.  Leitað er að einstaklingi sem getur sinnt fjölbreyttum verkefnum og hefur áhuga og metnað fyrir heilindum í íþróttum. 

Helstu verkefni og ábyrgð:
· Umsjón með og ábyrgð á skipulagningu og framkvæmd lyfjaprófana í íþróttum
· Þróun, gerð og dreifing fræðslu- og markaðsefnis um málefni tengd heilindum í íþróttum
· Þátttaka í alþjóðasamstarfi og samskipti við hagaðila
· Úrvinnsla fyrirspurna og erinda
· Aðstoð og ráðgjöf til íþróttahreyfingarinnar
· Móttaka og afgreiðsla umsókna um undanþágur vegna notkunar lyfja í lækningaskyni

Menntunar- og hæfniskröfur
· Háskólamenntun sem nýtist í starfi er æskileg
· Góð tölvukunnátta
· Góð íslensku- og enskukunnátta í rituðu og töluðu máli
· Afburðahæfni í mannlegum samskiptum
· Skipulagshæfileikar
· Sveigjanleiki, frumkvæði, árvekni og góð þjónustulund
· Haldbær þekking á íþróttahreyfingunni og/eða íþróttum er kostur

Nánari upplýsingar um starfið veitir Birgir Sverrisson, framkvæmdastjóri Lyfjaeftirlits Íslands, birgir@lyfjaeftirlit.is.

Umsóknarfrestur er til og með 22. nóvember. 
Umsóknum skal fylgja kynningarbréf og ferilskrá.
Tekið er við umsóknum í gegnum netfangið lyfjaeftirlit@lyfjaeftirlit.is