Í gær var Dagur sjálfboðaliðans og var hann haldinn hátíðlegur í Íþróttamiðstöðinni í Laugardal. Í byrjun var boðið upp á málþing þar sem þau þrjú, sem tilnefnd voru sem íþróttaeldhugar ársins 2022, Haraldur Ingólfsson (Þór og Þór/KA), Þóra Guðrún Gunnarsdóttir (ÍSS, Björninn, SR) og Friðrik Þór Óskarsson (FRÍ, ÍR) sögðu frá sinni hlið sem sjálfboðaliðar. Að málþingi loknu buðu ÍSÍ og UMFÍ sjálfboðaliðum íþróttahreyfingarinnar í vöfflukaffi í boði Vilko og Mjólkursamsölunnar. Þó nokkur fjöldi mætti og skapaðist skemmtileg stemmning auk þess ilmurinn var afar lokkandi.

ÍSÍ sendir öllum sjálfboðaliðum í íþróttahreyfingunni bestu kveðjur og þakkir fyrir þeirra óeigingjörnu störf í þágu íþróttanna í landinu!

Myndir/Jón Aðalsteinn UMFÍ