Vetrarheimsleikar Special Olympics fara fram fjórða hvert ár. Nú er komið að næstu heimsleikum sem fara fram í Tórínó á Ítalíu dagana 8. – 15. mars 2025.  Íþróttasamband fatlaðra og Special Olympics á Íslandi senda fimm keppendur til þátttöku í þremur greinum, listhlaupi á skautum, dansi og alpagreinum. Ísland hefur átt keppendur í listhlaupi á skautum frá leikunum 2005 en þetta verður í fyrsta skipti sem Ísland á keppendur í dansi og á skíðum. Kvóti Íslands á gönguskíðum verður nýttur af keppendum frá Grænlandi og þetta verður í fyrsta skipti sem Grænland á fulltrúa á heimsleikum Special Olympics. 

Opnunarhátíðin fer fram 8. mars í Tórínó og þá taka við æfinga- og keppnisdagar. Áður en formleg keppni hefst er farið í gegnum ákveðið ferli þar sem raðað er í keppnisflokka út frá styrkleikastigi. Allir keppa því við jafningja, jafnt byrjendur sem lengra komnir og það einkennir leika Special Olympics. Lokahátíðin fer fram 15. mars í Tórínó og Sestriere.

Listhlaup á skautum
Bjarki Rúnar Steinarsson og Védís Harðardóttir Skautadeild Aspar
Þjálfarar; Hanna Rún Ragnarsdóttir og Andri Magnússon

Unified dans
Þórdís Erlingsdóttir og Ingólfur Bjartur Magnússon Dansfélaginu Hvönn
Þjálfarar; Tinna Karen Guðbjartsdóttir og Hjördís Hjörleifsdóttir

Skíði
Victoria Ósk Guðmundsdóttir 
Þjálfarar; Lilja Sólrún Guðmundsdóttir og Elsa Björk Skúladóttir
Fararstjórar; Karen Ásta Friðjónsdóttir og Helga Olsen
Læknir; Kristín Pálsdóttir

Magnús Orri Arnarson hefur gert kynningarmyndband fyrir leikana sem sjá má hér

ÍSÍ tekur þátt í verkefninu Allir með ásamt UMFÍ og ÍF, en verkefnið miðar að því að fjölga tækifærum fyrir fötluð börn innan íþróttahreyfingarinnar.