Beint á efnisyfirlit síðunnar

Á döfinni

12.10.2018 - 14.10.2018

Ársþing LH 2018

Ársþing Landssambands hestamanna verður...
21

Handknattleikskona og handknattleiksmaður ársins 2013

02.01.2014

Rut Arnfjörð er 23 ára, fædd 21. júlí 1990. Rut kemur frá HK  og fer þaðan til Danmerkur í atvinnumennsku árið 2008 og hefur spilað þar síðan. Hún varð Evrópumeistari með liði sínu Team Tvis Holstebro í maí s.l. Þá hefur Rut verið lykilleikmaður í íslenska kvennalandsliðinu um nokkurt skeið.  Hún tók þátt þegar íslenska liðið spilaði sitt fyrsta stórmót á  EM í Danmörku 2010, og síðan á HM í Brasilíu 2011 og EM í Serbíu 2012. Rut leikur stöðu hægri skyttu. Rut spilaði sinn fyrsta A-landsleik 22. maí 2007 í Arnhem í Hollandi á móti Hollandi.

Rut  hefur spilað 68 A-landsleiki og skorað í þeim 143 mörk. Þá á hún 60 landsleiki með yngri landsliðum og skoraði þar  199 mörk.

Guðjón Valur handknattleiksmaður er 34 ára, fæddur 8. ágúst 1979. Guðjón Valur er alinn upp í Gróttu og lék þar alla yngri flokkana.  Guðjón Valur spilaði með KA á Akureyri um tíma  og varð Íslandsmeistari með þeim árið 2001 en hann fór í atvinnumennsku til Þýskalands það sumar. Í Þýskalandi spilaði hann með Essen og varð Evrópumeistari með þeim árið 2005. Seinna það ár gekk hann til liðs við  Gummersbach. Árið 2008 gekk hann til liðs við Rein-Neckar Löwen. Það var síðan tímabilið 2011-2012 sem hann söðlaði um og fór til Danmerkur og spilaði þar með AG Köbenhavn. Hann fór aftur til Þýskalands 2012 og gekk þá til liðs við Kiel og er þar í dag. Hann varð Þýskalandsmeistari og þýskur bikarmeistari  með Kiel 2013. Hann  er talinn vera einn af bestu vinstri hornamönnum heims. Hann spilaði sinn fyrsta A-landsleik 16. desember 1999 í Haarlem í Hollandi á móti Rúmeníu og skoraði þar 2 mörk. Þá hefur hann verið lykilmaður í landsliðinu um langt skeið. Guðjón Valur hefur leikið 288 A-landsleiki og skorað í þeim 1501 mark. Þá lék hann 14 leiki með yngri landsliðum og skoraði í þeim 23 mörk