Beint á efnisyfirlit síðunnar

02.06.2017

GSSE 2017: Gull í bogfimi

Helga K. Magnús­dótt­ir vann til gull­verðlauna í bogfimi með trissuboga í dag. Hún vann kepp­anda frá Lúx­em­borg í úrslitum 140:129. Mar­grét Ein­ars­dótt­ir vann til bronsverðlauna í bogfimi með trissuboga. Hún vann keppanda frá San Marínó í keppni um bronsverðlaunin, 137:133.
Nánar ...
02.06.2017

GSSE 2017: Tveir Íslendingar kepptu í skotfimi með leirdúfum

Tveir íslenskir keppendur tóku þátt í skotfimi með leirdúfum í dag. Það voru þeir Örn Valdi­mars­son og Há­kon Svavars­son. Örn fékk 66 stig og er í 4. sæti eft­ir fyrri undanúr­slit­in. Há­kon er með 64 stig og er í 6. sæti. Efstir eru Kýpverjarnir Achil­leos og Chasi­kos með 70 stig.
Nánar ...
02.06.2017

GSSE 2017: Gull og landsmet í sundi

Íslenska boðsunds­sveit­in vann til gullverðlauna í 4x100 m skriðsundi kvenna. Bryn­dís Han­sen, Hrafn­hild­ur Lúth­ers­dótt­ir, Eygló Ósk Gúst­afs­dótt­ir og Bryn­dís Bolla­dótt­ir syntu á tímanum 3:49,24 sek­. Mónakó varð í 2. sæti.
Nánar ...

Hugmyndina um íþróttakeppni smáþjóða Evrópu má rekja aftur til ársins 1981. Það var útbreidd skoðun að íþróttakeppni þar sem smáþjóðir öttu kappi saman gæti orðið til þess að efla anda og hugsjón ólympíuhreyfingarinnar og treysta jafnframt vináttubönd þjóðanna.

Til leikanna var stofnað að frumkvæði forseta Alþjóðaólympíunefndarinnar, J.A. Samaranch. 

Þátttökurétt eiga þjóðir með íbúatölu undir einni milljón. Þessar þjóðir eru: Andorra, Ísland, Kýpur, Liechtenstein, Lúxemborg, Malta, Mónakó og San Marínó. Að beiðni forseta IOC var Albaníu upphaflega boðið að vera með á leikunum þrátt fyrir að íbúatala hennar væri yfir einni milljón. Hún þáði ekki boðið, en hinar þjóðirnar hafa verið með allt frá byrjun. 

Smáþjóðaleikarnir fara fram á tveggja ára fresti í einu af löndunum átta. Þeir voru fyrst haldnir í San Marínó árið 1985, en síðan hafa þeir verið haldnir í Mónakó (1987), Kýpur (1989), Andorra (1991), Möltu (1993), Lúxemborg (1995), Íslandi (1997), Liechtenstein (1999), San Marínó (2001), Möltu (2003), Andorra (2005), Mónakó (2007), Kýpur (2009), Liechtenstein (2011), Lúxemborg (2013), Íslandi (2015) og þeir 17. verða haldnir í San Marínó árið 2017.

Á leikunum í Liechtenstein árið 2011 tók Svartfjallaland þátt í fyrsta sinn og eru því þátttökuþjóðir orðnar níu talsins. Á sömu leikum var ákveðið að hefja þriðju umferð leikanna árið 2017.
 
Þrátt fyrir að ekki væri gert ráð fyrir að leikarnir yrðu mjög umfangsmiklir hefur raunin orðið önnur og hefur þátttakendum farið stöðugt fjölgandi. Er nú svo komið að þátttakendur með fylgdarliði eru um 1000 manns. Íslenskum þátttakendum hefur fjölgað jafnt og þétt. Á leikunum í Lúxemborg árið 1995 voru þeir 180, en á fyrstu leikunum voru þeir aðeins 25 alls.
 
Í fyrstu var ákveðið að Smáþjóðaleikarnir yrðu fjórða hvert ár en eftir San Marínó leikana var samþykkt að þeir skyldu haldnir annað hvert ár. Eftir að leikarnir hafa vaxið svo að umfangi sem raun ber vitni, hefur það aftur komið til álita að halda þá fjórða hvert ár eins og Ólympíuleikana. Enda hétu þeir upphaflega Ólympíumót smáþjóða eins og fram kemur í fyrstu drögum að reglugerð.
 
Sæti formanns framkvæmdastjórnar til tveggja ára í senn skipar formaður Ólympíunefndar þeirrar þjóðar sem næst heldur Smáþjóðaleika. Sérstök tækninefnd er einnig starfandi.
  

    Á döfinni

    26