Ólympíuakademían

Hlutverk Ólympíuakademíunnar (IOA) er að breiða út þekkingu um Ólympíuleikana, Ólympíuhreyfinguna og þær hugsjónir sem hún byggir á.

Á hverju ári býðst ÍSÍ að senda þátttakanda/þátttakendur á tæplega tveggja vikna námskeið til Ólympíu í Grikklandi, en námskeiðið er haldið á vegum Alþjóðaólympíuakademíunnar. Auglýst er eftir umsækjanda/umsækjendum á aldrinum 20-30 ára.

Einnig eru í boði námskeið fyrir háskólakennara á sviði íþrótta og þá er möguleiki að taka meistaranám í íþróttafræði frá Háskólanum í Spörtu með áherslu á málefni Ólympíuhreyfingarinnar. Ólympíuakademían hefur einnig boðið upp á námskeið fyrir fjölmiðlamenn.
Hjá IOA fer fram umfangsmikil fræðslustarfsemi og haldnar ráðstefnur og námskeið fyrir íþróttaleiðtoga, íþróttakennara og þjálfara, leiðbeinendur í íþrótta og æskulýðsmálum, fjölmiðlafólk o.fl.

Hér má sjá svipmyndir frá staðnum og aðstöðunni

Hér má sjá vefsíðu IOA.