Á síðustu misserum hafa komið fram allnokkrar tilkynningar frá Matvælastofnun er varða fæðubótarefni. Flestar tilkynningarnar varða fæðubótarefni er innkölluð eru vegna þess að þau reynast innihalda lyf. Hægt er að skrá sig á póstlista MAST og fá sendar tilkynningar í tölvupósti um atriði er snúa að starfssviði stofnunarinnar.

Minnt er á að íþróttamenn er stunda íþróttir innan aðildarfélaga ÍSÍ geta átt von á því að vera boðaðir í lyfjapróf hvar og hvenær sem er. Íþróttamenn eru ábyrgir fyrir hverju því er finnst í sýninu óháð því hvernig það barst í líkamann. Mikilvægt er því að íþróttamenn taki vara á sér við neyslu lyfja og fæðubótarefna. Hægt er að sækja um undanþágu fyrir notkun lyfja er innihalda efni af bannlista, sjá hér.

Nánar má lesa um fæðubótarefni á vef MAST, sjá hér. Yfirlit yfir innkallanir má einnig finna á heimasíðunni, sjá hér.