UÍA hélt ársþing sitt á Djúpavogi sunnudaginn 30. mars síðastliðinn.  Um 35 þingfulltrúar sátu þingið að þessu sinni.  Ársþingið var starfsamt og mikill fjöldi tillagna sem lá fyrir þinginu.  Fram kom í skýrslu stjórnar að starfsemi innan sambandsins er afar gróskumikil.  Einnig kom fram í skýrslu gjaldkera að reikningar sambandsins voru jákvæðir.  ÍSÍ veitti Albert Jenssyni silfurmerki á þinginu fyrir öflugt og farsælt starf innan íþróttahreyfingarinnar.  Fulltrúi ÍSÍ á þinginu var Viðar Sigurjónsson Skrifstofustjóri ÍSÍ á Akureyri.  Á myndinni er formaður UÍA Gunnar Gunnarsson í pontu.  Hann var endurkjörinn formaður á þinginu og aðalstjórnin er einnig óbreytt.