Norrænn fundur um þjálfaramenntun var haldinn á Akureyri 1. og 2. júní síðastliðinn.  Fundinn sátu aðilar frá Íþrótta- og Ólympíusambandi Íslands og sambandanna í Noregi, Svíþjóð, Finnlandi og Danmörku.  Rætt var um það sem efst er á baugi í þjálfaramenntun og þróun hennar.  Þessi samstarfshópur hefur fundað reglulega undanfarin ár og borið saman bækur sínar í þessum efnum. Fundarmenn voru almennt sammála um gildi menntunar íþróttaþjálfara.  Menntakerfi þjóðanna eru að mörgu leyti svipuð en þó ekki eins.  Komið var inn á ýmsa þætti á fundinum s.s. hvað menntun íþróttaþjálfara eigi að innihalda, framboð á menntuninni, hvernig best sé að fá áhugasama aðila inn í þjálfaramenntunina og hvernig hinar norrænu þjóðir geti átt enn frekara samstarf í þesum efnum. 

Rétt er að minna á að næsta fjarnám í þjálfaramenntun ÍSÍ verður sumarfjarnám 1. og 2. stigs og hefst það 20. júní nk.  Skráning er rafræn og má finna hér á isi.is:

http://isi.is/fraedsla/thjalfaramenntun/skraning-thjalfaramenntun/   

Allar nánari uplýsingar um þjálfaramenntun ÍSÍ gefur Viðar Sigurjónsson á vidar@isi.is og í síma 514-4000.