Í dag er eitt ár þar til XXIII Vetrarólympíuleikarnir fara fram í borginni PyeongChang í Suður Kóreu dagana 9. til 25. febrúar 2018. Verður það í annað sinn sem Suður Kórea heldur Ólympíuleika, en sumarleikarnir 1988 fóru fram í Seoul. Þetta verða þriðju Vetrarólympíuleikarnir í Asíu, en Japan hefur tvívegis haldið vetrarleika, Sapporo 1972 og Nagano 1998. 

Alþjóðaólympíunefndin bauð að því tilefni sambandsaðilum sínum og íþróttafólki þeirra formlega að taka þátt í leikunum með því að senda boðskort frá höfuðstöðvum Alþjóðaólympíunefndarinnar í Lausanne. Á sama tíma fóru hátíðarhöld fram í Gangneung íshokkíleikvanginum í Suður Kóreu.