Beint á efnisyfirlit síðunnar

Á döfinni

09.02.2018 - 25.02.2018

PyeongChang 2018

Vetrarólympíuleikarnir árið 2018 fara fram...
10.03.2018 - 10.03.2018

Ársþing HSK 2018

Ársþing Héraðssambandsins Skarphéðins verður...
23

Magnús Oddsson fyrrverandi varaforseti ÍSÍ látinn

18.04.2017

Magnús Oddsson fyrrverandi varaforseti ÍSÍ og Heiðursfélagi ÍSÍ lést þann 11. apríl síðastliðinn.

Magnús átti farsælan feril í starfi innan íþróttahreyfingarinnar. Hann var í stjórn Íþróttabandalags Akraness (ÍA) frá árunum 1983 til 1992, þar af sem formaður frá 1984 og var þar meðal annars í forystu um byggingu Íþróttahússins á Jaðarsbökkum. Hann var einnig Heiðursfélagi ÍA.

Magnús var varaforseti Íþróttasambands Íslands frá 1992 til 1997 og Heiðursfélagi ÍSÍ. Magnús hafði mikinn áhuga á öllu starfi innan íþróttahreyfingarinnar og sinnti embætti varaforseta ÍSÍ af alúð. Eftir að hann hætti í stjórn ÍSÍ var hann ötull að mæta til þeirra viðburða sem Heiðursfélagar ÍSÍ eru boðaðir til í starfsemi ÍSÍ og sýndi starfi ÍSÍ alltaf mikinn áhuga. Síðustu árin sat hann í nefnd ÍSÍ um íþróttir 60+ og sinnti nefndarstörfunum af samviskusemi og elju. ÍSÍ er þakklátt fyrir ómetanlegt starf Magnúsar í þágu íþrótta á landsvísu og dýrmæta vináttu.

Íþrótta- og Ólympíusamband Íslands sendir Svandísi ekkju Magnúsar, einkasyninum Pétri og fjölskyldu innilegar samúðarkveðjur.