Ársþing Danssamband Íslands var haldið í Íþróttamiðstöðinni í Laugardal 18. maí síðastliðinn. Ársreikningar voru samþykktir einróma en hagnaður af rekstri sambandsins var með ágætum. Í fjárhagsáætlun næsta árs er gert ráð fyrir útbreiðsluverkefni í samráði við aðildarfélög og verður sett í verkefnið veglegt fjármagn. Ólafur Már Heinsson var endurkjörinn formaður sambandsins. Tveir nýir stjórnarmenn voru kjörnir til tveggja ára, þau Jóhann Gunnar Arnarsson og Linda Hreiðarsdóttir. Hauður Helga Stefánsdóttir og Kjartan Birgisson voru kjörin varamenn til eins árs. Undir liðnum önnur mál voru góðar umræður um mótamál, aðild að alþjóðlegum samtökum og verkefni komandi starfsárs.