Þrír Íslendingar í nefndum hjá EOC
![](/library/Myndir/Afreks--og-olympiusvid/Logo/eoc%20-%20Copy%20(1).jpg?proc=400x400)
Ný stjórn Evrópusambands ólympíunefnda (EOC) hefur nú skipað í nefndir sambandsins og er ljóst að þrír Íslendingar eiga sæti í nefndum EOC.
Lárus L. Blöndal forseti ÍSÍ var skipaður í EOC EU Commission en Lárus átti einnig sæti í nefndinni á síðasta kjörtímabili.
Hafsteinn Pálsson ritari ÍSÍ var skipaður í EOC Environment and Sport for All.
Líney Rut Halldórsdóttir framkvæmdastjóri ÍSÍ, sem situr í framkvæmdastjórn EOC kjörtímabilið 2018-2021, á einnig sæti í European Games Commission fyrir Evrópuleikana í Minsk 2019 og EYOF Baku 2019 Co-commission.
Nefndir þessar eru ráðgjafanefndir fyrir framkvæmdastjórn EOC og starfa á tímabilinu 2018-2021.
Aldrei hafa fleiri Íslendingar starfað í nefndum og ráðum EOC en nú.