Ungmenni 15-18 ára tilnefnd af sérsamböndum ÍSÍ sátu í gærkvöldi rafrænar afreksbúðir ÍSÍ. Að þessu sinni var það Silja Úlfarsdóttir sem hélt erindi. Silja sem er fyrrum afreksíþróttamaður í frjálsíþróttum hefur margþætta reynslu af málaflokknum. Silja fjallaði um „vörumerkið ég“, hvernig hægt er að markaðssetja sjálfan sig á samfélagsmiðlum.

Auk þess var fjallað um framkomu í fjölmiðlum og hvernig hægt sé að ná athygli fjölmiðla. Þátttaka var góð og ýmislegt áhugavert sem krakkarnir fengu að heyra af og gátu spurt út í.

Í næstu viku er komið að þriðja fyrirlestri í þessari lotu afreksbúða ÍSÍ. Umfjöllunarefni næsta fyrirlesturs er næringarfræði og íþróttir.