Í dag, 23. júní, er Alþjóðlegi Ólympíudagurinn haldinn hátíðlegur um allan heim. Hann er haldinn hátíðlegur í tilefni af stofnun Alþjóðaólympíunefndarinnar (IOC) 23. júní 1894. Markmiðið með deginum er að hvetja fólk til að koma saman, hreyfa sig og hafa gaman og er dagurinn ætlaður öllum, óháð íþróttagetu. Kjörið er að spreyta sig á ýmiss konar íþróttum og þrautum en Ólympíudagurinn er einnig kjörinn vettvangur fyrir gildi Ólympíuhreyfingarinnar sem eru;  vinátta, virðing og að gera ávallt sitt besta.

Í ár heldur ÍSÍ upp á daginn í Hveragerði í samstarfi við Héraðssambandið Skarphéðinn og Hveragerðisbæ og er hægt að fylgjast með fjörinu í „Instastory” á Instagram aðgangi ÍSÍ (@isiiceland).