Ársþing Evrópusambands Ólympíunefnda (EOC) fór fram dagana 10.-11. júní sl. í Skopje í Norður-Makedóníu. Fulltrúar ÍSÍ voru Þórey Edda Elísdóttir 1. varaforseti ÍSÍ og Andri Stefánsson framkvæmdastjóri ÍSÍ.

Rússum og Hvít-Rússum var óheimilt að senda fulltrúa til þingsins vegna stöðunnar í Úkraínu. Til viðbótar við hefðbundin þingstörf, samþykkt reikninga og skýrsluflutning þá var fjallað um mikilvægi þess að standa vörð um Evrópska íþróttamódelið og einnig var kynning á þeim leikum sem framundan eru.

Líney Rut Halldórsdóttir ráðgjafi var á þinginu sem stjórnarmeðlimur í EOC. Líney Rut, sem einnig er formaður yfirnefndar Ólympíuhátíða Evrópuæskunnar (EOC EYOF Commission) var með framsögu á þinginu og kynningu á verkefnunum sem framundan eru. Næsta hátíð er í Banska Bystrica í júlí næstkomandi og verður Ísland með fjölmennan hóp keppenda þar.

Ólympíunefnd Norður-Makedóníu fagnar 30 ára afmæli á árinu og var boðið til hátíðarkvöldverðar að því tilefni þar sem meðal annars Piotr Nurowski verðlaunin voru afhent.

Meðfylgjandi myndir voru teknar á þinginu en á þeim má meðal annars sjá Thomas Bach, forseta Alþjóðaólympíunefndarinnar, með fulltrúum ÍSÍ á þinginu.