Beint á efnisyfirlit síðunnar

Á döfinni

26.07.2024 - 28.11.2019

París 2024

Ólympíuleikarnir fara fram í París í...
20.09.2024 - 21.09.2024

Ársþing SKÍ 2024

Ársþing Skíðasambands Íslands verður haldið...
22.10.2026 - 28.11.2019

YOG 2026 - Dakar

Ólympíuleikar ungmenna (YOG) fara fram í...
24

Ársþing ANOC 2022

23.10.2022

 

Ársþing Heimssambands Ólympíunefnda (ANOC) fór fram í Seoul í Suður-Kóreu dagana 19. - 21. október sl. Streymt var frá þinginu á fimm tungumálum. Á þinginu var undirritaður samningur á milli ANOC og Ólympíunefnd Indónesíu um framkvæmd Heimsstrandarleika ANOC sem munu fara fram á Balí 5. - 15. ágúst á næsta ári. Samtals hefur íþróttafólk frá 41 þjóð unnið sér inn keppnisrétt á leikana.

Robin Mitchell, sem hefur verið starfandi forseti samtakanna síðan Sheikh Ahmad Al-Fahad Al-Sabah sagði sig frá forsetaembættinu snemma á síðasta kjörtímabili, var kjörinn forseti ANOC til næstu fjögurra ára. H.E. Sheikh Joaan bin Hamad Al-thani var kjörinn 1. varaforseti en alls eru varaforsetar samtakanna fimm talsins. Báðir voru þeir einir í framboði til þessara embætta.

Á fundinum voru fluttar stöðuskýrslur um ýmis verkefni, svo sem Sumarólympíuleikana 2024 og Vetrarólympíuleikana 2026, sem og Vetrarólympíuleika ungmenna. Einnig voru afgreiddar ýmsar uppfærslur, viðbætur og lagfæringar á regluverki ANOC.

Umhverfismál og sjálfbærni voru í brennidepli. ANOC hefur sett sér það markmið að minnka kolefnisspor samtakanna um 50% fyrir árið 2030 og komast á núllið fyrir árið 2040.

Fulltrúi ÍSÍ á ársþinginu var Andri Stefánsson framkvæmdastjóri. Líney Rut Halldórsdóttir ráðgjafi ÍSÍ var á þinginu sem sérstakur gestur ANOC, sem bauð fimm áhrifakonum úr hverjum álfusamtökum íþrótta sérstaklega til þingsins. 

Myndir með frétt