Þann 16. maí nk. mun Bjartur lífsstíll standa fyrir ráðstefnu um hreyfiúrræði eldra fólks í samstarfi við Háskólann í Reykjavík og heilsueflandi samfélag (HSAM).  Bjartur lífsstíll er sameiginlegt verkefni Íþrótta- og Ólympíusambands Íslands og Landssambands eldri borgara. 

Dagskráin verður sniðin fyrir skipuleggjendur og þjálfara, sem sjá um hreyfiúrræði fyrir 60 ára og eldri, og aðra áhugasama aðila.
Markmið ráðstefnunnar er að skapa vettvang til að auka samvinnu á milli þjálfara, víkka sjóndeildarhringinn varðandi heilsueflingu 60+ og vera hvatning fyrir þá sem vilja stíga sín fyrstu skref í þjálfun eldri aldurshópa. 

Ráðstefnan mun fara fram í Háskólanum í Reykjavík, stofu M101 kl. 12:00 - 16:00.  Frjáls umræða verður eftir ráðstefnuna á 3. hæð, frá kl. 16:00 - 17:00.  Ókeypis aðgangur.

Einnig verður streymt frá ráðstefnunni fyrir áhugasama en linkur að streymi mun birtast síðar.

Frekari upplýsingar og skráningu má finna inn á www.bjartlif.is