Ársþing Badmintonsambands Íslands fór fram í salarkynnum Íþróttamiðstöðvarinnar í Laugardal fimmtudaginn 10. júní síðastliðinn.

Ríflega 40 manns sátu þingið, þar af 36 þingfulltrúar frá aðildarfélögunum. Þingið gekk vel fyrir sig og voru áritaðir reikningar sambandsins samþykktir samhljóða. Starf mótasviðs og afrekssviðs var kynnt og einnig tvær ályktanir sem hlutu góðar umræður.

Endurkjörin til næstu tveggja ára í stjórn sambandsins voru þau Kristján Daníelsson formaður, Guðrún Gunnarsdóttir, Guðbjörg Jóna Guðlaugdóttir, Arnór Tumi Finnsson, Pétur Hemmingsen og Haukur Þórðarson. Kristinn Ingi Guðjónsson gaf ekki kost á sér til áframhaldandi stjórnarstarfa og í hans stað var kjörinn Kjartan Drafnarson.

Hörður Þorsteinsson gjaldkeri framkvæmdastjórnar ÍSÍ var þingforseti á þinginu.

Mynd/BSÍ