Anton Sveinn vann sinn riðil í 100m bringusundi í dag
![](/library/Myndir/Afreks--og-olympiusvid/ithrottafolk-forsida/olympiuhopur-Paris-2024/Anton%20mynd%20fyrir%20fr%c3%a9tt.png?proc=400x400)
Ólympíuleikarnir í París hófust í dag og var það Anton Sveinn McKee, sundmaður, sem fyrstur tók þátt fyrir Íslands hönd. Hann keppti í 100m bringusundi í morgun og vann sinn riðil á tímanum 1:00:62 en besti tíminn hans í 100m bringusundi er 1:00:21. Hann var 25. í dag af 36 keppendum. Hann fór því ekki í undanúrslit þar sem aðeins 16 hröðustu sundmennirnir fara áfram.
Anton Sveinn mun synda í 200m bringusundi á þriðjudag, 30. júlí og kl.09.00 að íslenskum tíma. Þetta eru fjórðu Ólympíuleikarnir sem Anton Sveinn tekur þátt í!