Dómarar á Smáþjóðaleikum koma frá öllum smáþjóðunum sem standa að leikunum. Fimm íslenskir dómarar eru að störfum á Smáþjóðaleikunum í Andorra, þau Helgi Jóhannesson karatedómari, Viktoría Gísladóttir og Tómas Gísli Guðjónsson sunddómarar og fimleikadómararnir Ragna Þyrí Ragnarsdóttir og Sigurður Hrafn Pétursson.

Það voru annasamir dagar hjá þeim í vikunni. Sundkeppnin og fimleikakeppnin voru í sömu byggingunni en karatekeppnin er í íþróttamannvirki við landamæri Andorra og Spánar, um hálftíma frá miðbæ Andorra.

Allar þátttökuþjóðirnar leggja til dómara á leikunum. Að sögn Viktoríu gengu dómarastörfin afar vel heilt yfir.