Fréttir frá Sumarólympíuleikum
Merki Ólympíuleikanna í París 2024
Í gær birti skipulagsnefnd Ólympíuleikanna í París í Frakklandi merki Ólympíuleikanna 2024 og Ólympíumóts fatlaðra 2024. Athöfnin fór fram í París, en um 700 hlauparar hlupu mismunandi leiðir í kringum miðpunkt Parísar og mynduðu útlínur nýja merkisins. Merkið var síðan sýnt í heild sinni á risastórum skjá í kvikmyndahúsinu Grand Rex Cinema í París kl.20.24. Í fyrsta skipti í sögunni er sama merki notað fyrir Ólympíuleika og Ólympíumót fatlaðra. Merkið sameinar þrjú þekkt tákn sem tengjast íþróttum, Ólympíuleikunum og Frakklandi, þ.e. gullverðlaunapening, ólympíueldinn og Marianne. Marianne er holdgervingur gilda franska lýðveldisins sem talin eru í kjörorðum landsins; „Frelsi, jafnrétti, bræðralag“. Hún er mikilvægt tákn lýðveldishyggju, frjálslyndis og lýðræðis í Frakklandi. Myndir af Marianne hafa birst á ýmsum opinberum skjölum, frímerkjum og myntum í Frakklandi og þótti skipulagsnefnd Ólympíuleikanna í París við hæfi að tengja Marianne við merki leikanna.
ÍSÍ og Tama City Tokyo undirrita viljayfirlýsingu
Íþrótta- og Ólympíusamband Íslands hefur undirritað viljayfirlýsingu (Memorandum of understanding) við Tama City Tokyo og Kokushikan háskólann sem snýr að æfingaaðstöðu fyrir íslenska hópinn sem tekur þátt í Ólympíuleikunum í Tókýó 2020.Eitt ár til Ólympíuleikanna í Tókýó 2020
Næstu Ólympíuleikar fara fram í Tókýó 24. júlí til 9. ágúst 2020. Í gær fóru fram hátíðarhöld í borginni þegar því var fagnað að ár er þar til setningarhátíð Ólympíuleikanna fer fram. Á leikunum munu tæplega 11.000 íþróttamenn frá um 200 þjóðum keppa í 33 íþróttagreinum. 339 gullverðlaun verða veitt á Ólympíuleikunum 2020. Sjá má íþróttagreinarnar sem keppt verður í hér og dagskrá leikanna má sjá hér.
Vetrarólympíuleikarnir í Mílanó-Cortina 2026
Í gær tilkynnti Thomas Bach forseti Alþjóðaólympíunefndarinnar (IOC) á fundi IOC í Lausanne í Sviss að Mílanó-Cortina á Ítalíu yrði gestgjafi Vetrarólympíuleikanna 2026 og Vetrarólympíumóts fatlaðra 2026. Valið stóð á milli Mílanó-Cortina og Stokkhólms-Åre í Svíþjóð. Fyrr á fundinum höfðu fulltrúar frá báðum borgum verið með kynningu á sinni borg og markmiðum í tengslum við leikana. Ítalir sem voru viðstaddir fundinn fögnuðu vel þegar að ljóst var að leikarnir yrðu haldnir í Mílanó-Cortina.
500 dagar til Ólympíuleika í Tókýó
Næstu Ólympíuleikar fara fram í Tókýó 24. júlí til 9. ágúst 2020. Í dag eru 500 dagar þar til setningarhátíð Ólympíuleikanna fer fram.
Ólympíulið flóttafólks
Næstu Ólympíuleikar fara fram í Tókýó 24. júlí til 9. ágúst 2020. Á leikunum munu 11.000 íþróttamenn keppa í 33 íþróttagreinum. Fimm íþróttagreinum hefur verið bætt við keppnisdagskrána frá síðustu leikum sem fóru fram í Ríó í Brasilíu 2016, en það eru hafnabolti og mjúkbolti, karate, hjólabretti, íþróttaklifur (sports climbing) og brimbrettabrun. Sjá má íþróttagreinarnar sem keppt verður í hér og dagskrá leikanna má sjá hér.
Fagna afrekum sínum eftir á
Þær aðstæður koma nú reglulega upp þar sem íþróttafólk sem unnið hefur til verðlauna á Ólympíuleikum gerist sekt um lyfjamisferli og missir því verðlaun sín. Það íþróttafólk, sem næst er í röðinni missti því af sínu tækifæri til þess að fagna afrekum sínum á verðlaunapalli á Ólympíuleikum. Íþróttamannanefnd innan IOC hefur unnið að því síðustu mánuði að setja saman ákveðin viðmið fyrir þetta íþróttafólk, um hvernig það geti fengið sín verðlaun afhent og þar með fagnað sínum árangri. Nýlega samþykkti framkvæmdastjórn Alþjóðaólympíunefndarinnar (IOC) þessi meginviðmið sem íþróttamannanefndin setti saman.
Ólympíuleikarnir í París 2024
París og Los Angeles hafa undanfarna mánuði verið að keppast um að halda Ólympíuleikana árið 2024, en nú er orðið ljóst að Ólympíuleikarnir 2024 verða haldnir í París. Ólympíuleikarnir 2028 verða síðan haldnir í Los Angeles. Alþjóðaólympíunefndin tilkynnti í júní sl. að París og Los Angeles myndu halda þessa tvennu Ólympíuleika í röð. Fulltrúar beggja borga vildu hins vegar halda leikana árið 2024. Alþjóðaólympíunefndin gaf fulltrúum borganna frest fram í september nk. til að komast að samkomulagi um niðurröðunina. Að öðrum kosti hefði þurft að kjósa.
Golf og ruðningur áfram á Ólympíuleikum
Þessa dagana eru allar línur að skýrast hvað varðar Ólympíuleikana í Tókýó 2020. Einnig standa skipuleggjendur Ólympíuleikanna í París og LA í ströngu, því borgirnar keppast um að halda leikana 2024. Útlit er fyrir að allar 28 íþróttagreinarnar sem keppt var í á Ólympíuleikunum í Ríó 2016 verði einnig keppnisgreinar á leikunum í Tókýó 2020 og á leikunum 2024, en nýlega staðfesti framkvæmdastjórn Alþjóðaólympíunefndarinnar endanlega þá viðburði sem fara munu fram á leikunum í Tókýó. Viðburðadagskráin er töluvert breytt frá fyrri leikum, en þessi nýja dagskrá markar stórt skref í þróun Ólympíuleikanna. Breytingin verður til þess að hlutur kynjanna á leikunum jafnast, íþróttafólki fækkar og þar með minnkar umhverfisspor leikanna.
LA, París eða Búdapest
Þrjár borgir keppast um að halda Ólympíuleikana árið 2024. Þær borgir sem sóttu um að halda leikana eru Búdapest í Ungverjalandi, Hamborg í Þýskalandi, Los Angeles í Bandaríkjunum, París í Frakklandi og Róm á Ítalíu. Nú hafa tvær borgir dregið sig úr keppninni um að halda leikana, Hamborg og Róm. 100 meðlimir Alþjóðaólympíunefndarinnar munu kjósa á milli þessarra borga þegar nefndin mun funda í Líma í Perú 13. september 2017.
Styrkir Ólympíusamhjálparinnar vegna PyeongChang 2018
Ólympíusamhjálpin hefur úthlutað undirbúningsstyrkjum vegna Vetrarólympíuleikanna í PyeongChang 2018, en næstu Vetrarólympíuleikar fara fram í Kóreu í febrúar 2018. Skíðasamband Íslands hlaut styrki vegna sjö skíðamanna og er um að ræða styrki í allt að 16 mánuði, eða frá byrjun nóvember 2016 fram að lokum febrúar 2018. Styrkirnir nema rúmlega 1.000 bandaríkjadölum (USD) á mánuði vegna hvers þeirra auk þess sem að ferðastyrkur að upphæð 5.000 bandaríkjadölum (USD) stendur hverjum þeirra til boða á tímabilinu.
Ríó 2016 - Þormóður verður fánaberi
Þormóður Árni Jónsson, keppandi í júdó, verður fánaberi Íslands á setningarhátíð XXXI Sumarólympíuleikana sem fram fer að kvöldi 5. ágúst nk.