Fréttir frá Sumarleikum ungmenna
Buenos Aires 2018 - íbúar í Ólympíuþorpi boðnir velkomnir
Í kvöld voru íbúar í Ólympíuþorpinu á Ólympíuleikum ungmenna í Buenos Aires boðnir velkomnir með móttökuhátíð.Fylgstu með Ólympíuleikum ungmenna á samfélagsmiðlum
.png?proc=150x150){kind=logo}
Ólympíuleikar ungmenna hefjast 6. október næstkomandi í Buenos Aires. Hægt verður að fylgjast með leikunum á YouTube rás Alþjóðaólympíunefndarinnar (IOC) á slóðinni www.youtube.com/Olympics.
Buenos Aires 2018 - Aðstæður kannaðar
Þátttakendur á Ólympíuleikum ungmenna hafa nýtt daginn í að skoða aðstæður og æfa í keppnismannvirkjum leikanna.Fylgstu með Ólympíuleikum ungmenna á Snapchat
Íþrótta- og Ólympíusamband Íslands er með Snapchat og notendanafn ÍSÍ á Snapchat er isiiceland.
Hægt er að fylgjast með íslenskum þátttakendum á Ólympíuleikum ungmenna á Snapchat ÍSÍ.
Íslenski hópurinn kominn til Buenos Aires
Íslensku þátttakendurnir á Ólympíuleikum ungmenna í Buenos Aires eru mættir í Ólympíuþorpið eftir langt og strangt ferðalag.Íslenskir keppendur á leið á Ólympíuleika ungmenna
Ólympíuleikar ungmenna fara fram í Buenos Aires í Argentínu 6. til 18. október. Ólympíuleikar ungmenna eru ætlaðir fyrir ungt íþróttafólk á aldrinum 15 til 18 ára. Á leikunum er keppt í 32 íþróttagreinum. Í fyrsta sinn á Ólympískum viðburði eru jafn margir kvenkyns og karlkyns keppendur. Í gærkvöldi var haldinn fundur með þátttakendum og aðstandendum þar sem farið var yfir atriði sem tengjast leikunum og þátttöku okkar íþróttafólks. Á meðfylgjandi myndum má sjá keppendurna sem eru á leið á leikana sem og stúlkurnar Írenu Örvarsdóttur og Sóldísi E. Hjartardóttur, sem aðstoðuðu ÍSÍ við að raða fatnaði í töskur fyrir þátttakendur.
Ungir áhrifavaldar
.JPG?proc=150x150)
Ólympíuleikar ungmenna í Buenos Aires eru framundan. Ingibjörg Kristín Jónsdóttir verður í hlutverki ungs áhrifavalds á leikunum. Á dögunum hittust þeir sem verið hafa í því hlutverki á Ólympíuleikum ungmenna til að ræða það sem framundan er hjá Ingibjörgu.Ólympíuleikar ungmenna 2018
Ólympíuleikar ungmenna fara fram í Buenos Aires í Argentínu 6. til 18. október. Ólympíuleikar ungmenna eru ætlaðir fyrir ungt íþróttafólk á aldrinum 15 til 18 ára. Á leikunum er keppt í 32 íþróttagreinum, bæði hefðbundnum sem og nýstárlegri greinum. Í fyrsta sinn á Ólympískum viðburði eru jafn margir kvenkyns og karlkyns keppendur. Eftirtaldir keppendur og flokksstjórar/þjálfarar hafa verið tilnefndir til þátttöku í leikunum fyrir hönd síns sérsambands. Framkvæmdastjórn Íþrótta- og Ólympíusambands Íslands samþykkti á fundi sínum þann 23. ágúst tilnefningarnar. Keppendurnir hafa ýmist tryggt sér þátttökurétt á úrtökumótum vegna leikanna, náð tilskyldum lágmörkum til þátttöku eða hafa verið tilnefndir af sínum sérsamböndum í boðssæti. Allt íþróttafólkið uppfyllir þær skyldur sem gerðar eru af viðkomandi alþjóðasérsambandi.
50 dagar til Ólympíuleika ungmenna
Þann 6. október 2018 hefjast Ólympíuleikar ungmenna (The Youth Olympic Games, YOG) í borginni Buenos Aires í Argentínu. Í dag eru 50 dagar þangað til setningarhátíð leikanna fer fram.
Buenos Aires 2018 – Ungur áhrifavaldur
Ólympíuleikar ungmenna fara fram í október í Buenos Aires í Argentínu. Ingibjörg Kristín Jónsdóttir mun taka þátt í leikunum fyrir hönd Íslands sem ungur áhrifavaldur (Young Changemaker) en um er að ræða verkefni á vegum Alþjóðaólympíunefndarinnar sem felur í sér að halda utan um fjölbreytta fræðslu og afþreyingu fyrir keppendur á leikunum.100 dagar til Ólympíuleika ungmenna
Þann 6. október 2018 hefjast Ólympíuleikar ungmenna (The Youth Olympic Games, YOG) í borginni Buenos Aires í Argentínu. Í dag eru 100 dagar þangað til setningarhátíð leikanna fer fram.
Verðlaunapeningar sem minna á flugelda
Þann 6. október 2018 hefjast Ólympíuleikar ungmenna (The Youth Olympic Games, YOG) í Buenos Aires, höfuðborg Argentínu. Eins og á öllum Ólympíuleikum hlýtur það íþróttafólk verðlaunapening að launum sem nær verðlaunapalli og eru Ólympíuleikar ungmenna engin undantekning. Alþjóðaólympíunefndin stóð því fyrir hönnunarkeppni á verðlaunapeningum fyrir Ólympíuleika ungmenna 2018 á dögunum og var þátttaka framar björtustu vonum en um 300 tillögur bárust frá 50 þjóðum. Sigurvegari keppninnar er Muhamad Farid Husen, 18 ára gamall piltur frá Indónesíu, sem kallaði tillögu sína að útliti verðlaunapeninganna „Fireworks of Victory“. Eins og hið myndræna nafn gefur til kynna tekur hönnun verðlaunapeninganna mið af fallegri ásýnd flugelda þegar þeir springa á himninum.
Ólympíuleikar ungmenna eru ætlaðir fyrir ungt afreksfólk í íþróttum á aldrinum 15 til 18 ára. Keppt er í mörgum greinum og skiptast leikarnir í sumarleika og vetrarleika eins og Ólympíuleikar fullorðinna. Hugmyndina á Jacues Rogge forseti Alþjóðaólympíunefndarinnar og var hún fyrst kynnt til sögunnar árið 2001. Árið 2007 var ákveðið að gera hugmynd að veruleika og koma á fót Ólympíuleikum ungmenna. Fyrstu sumarleikarnir fóru fram með pompi og prakt árið 2010 í Singapore og fjórum árum síðar voru sumarleikarnir haldnir í Nanjing í Kína.
Hámarksfjöldi þátttakenda á leikunum eru 3500 íþróttamenn og 875 dómarar. Ísland mun eiga sína fulltrúa á leikunum en endanlegur fjöldi kemur í ljós síðar á árinu.